اسهل وصفة سنابون

السنابون :❤️♡
للسنابون كذا طريقة وكلها طرق معقدة وبتخلينا نروح نشتريه من برا وبيكون غالي وهنا بقدملكم اسهل طريقة للسنابون بمكونات بسيطة جداا

مكونات  العجين :

• 2.5 كوب الي 3كوب  دقيق (حسب العجن )
• معلقة صغيرة بكنج بودر 
• رشة ملح 
• معلقة كبيرة لبن بودر 
• 3\4 كوب ماء دافئ 
• 1\4 كوب زيت 
• بيضة 
• كيس فانيليا
• معلقة كبيرة سكر 
• معلقة كبيرة خميرة 

مكونات الحشو :

• 3\4 كوب سكر 
• معلقة كبيرة عسل اسود 
• 2 معلقو كبيرة قرفة 
• معلقة كاكاو خام 

مكونات الصوص الابيض 

لكل 4 معالق جبن كيري او كريمي معلقة زبدة و 3\4 كوب سكر بودر و معلقة فانيليا ومعلقة لبن

طريقة التحضير :

في طبق عميق نضع الخميرة والسكر ووالبيضة والفانيليا والزيت والماء الدافئ ويخلط كويس جدا ونسيبة علي جنب وفي طبق عميق تاني نضع الدقيق والرشة الملح والبيكنج بودر واللبن البودر عليهم الخليط السائل ونبداء نعجن ولازم تكون العجين لين يعني مش سايبة ولا ناشفة ونغطيها ونسبها ساعة تخمر .

الحشو بقي سهل جدا نضع السكر و العسل  و نخلط جيداً و نضع عليهم القرفة و الكاكاو و نخلط جياً والحشو دا بيبقي جوا العجين 

الصوص طريقته كالاتي نضع الجبنة والفانيليا و السكر و الزبدة و نخلط جيداً ثم نضع عليهم اللبن و نخلط جيداً و يمكن زيادة معلقتين من اللبن في حالة الرغبة في صوص ابيض ذو قوام اكثر سيولة .

اهم حاجة في عمل السنابون وهي تطبيقة وتسويته 

بنفرد العجين و ندهن العجين زبدة او سمنة بس طبعا الزبدة افضل بكتير ونفرد الحشو ( السكر و القرفة ) ونلفه رول ونقطعة بالشكل دا وممكن تسخدموا الخيط فالتقطيع 

ندهن الصنية زبدة ونضعه فالصنية ونرصة ف مسافت قريبة نوعا ما ,ونسيبه يتخمر نص ساعة وبعدين نحطه فالفرن علي درجة حرارة عالية علي الرف الاوسط لمدة (15-20) دقيقة 

بعد ما بخرج العجين من الفرن نرش علية الصوص الابيض 

وبالهنا والشفا ♡❤️