ما هي تمارين الكارديو

 

ايه هو الكارديو 

-هو التمارين اللي اللي بتشتغل علي زيادة ضربات القلب 
-او التمارين اللي بتخليك تتنفس بصورة اكبر 
-اي تمرين مافيهوش مقاومة سوء بوزن او مقاومة بالجسم 

-يعني من الاخر كده ، اي تمرين فيه ال3 حاجات دول  يبقي كارديو علي طول ، طبعا عارفين فوايد الكارديو في عملية حرق الدهون ، لكن اللي يمكن مش كلكم تعرفوه ان الكارديو من التمارين اللي بتعكس فايدة كبييرة علي الجسم كله بشكل عام 

-انواع الكارديو 

-من تعريف تمارين الكارديو هتعرف انه ليه اشكال كتييرة جدا .

1. المشي ....افضل نوع كارديو ممكن تعمله ، فوايدة كتيييرة وغير انه بيشغل اكتر من عضلة في الجزء السفلي كله 
2. الجري ....هو نفس فكرة المشي ونفس الفوائد ، لكن مع زيادة انه بيوسع الرئه ويمد جسمك باكبر كم من الأوكسجين 
3. نط الحبل ....وسع للكبيير بقي  حلو اووووي في حرق الدهون ، والمميز اللي فيه انه جايب اكتر من عضلة ، يعني غير انه بيشغل اكتر من عضلة في الجزء السفلي ، فهو بيشغل الدراع مع البطن يعني كارديو شامل 
4. التريد ميل ....اللي هي المشاية اللي في الجيم ، بتديك نفس فكرة المشي وللجري 
5. الاوربتراك ....حلو اوووي بيشغل عضلات الرجل وكويس اوووي مع اللي بيعانو مع الجزء السفلي وغير انه بيشغل الدراع برضو 
6. السباحه ....من الكارديو الكويس اوووي اللي بيعلي اللياقه البدنية
7. 
   بعض التمرينات 
   
   

-فوائد الكارديو 

1-بيعلي ضربات القلب وبالتالي ، مجهود بدني عالي ، بيخلي الجسم يسهلك دهون كتير وعلشان يحولها لطاقه يمد بيها الجسم ، وده طبعا في حالة التزامي بسعراتي يبقي هيستهلك من مخازن الدهون ، لكن لو فتحها علي البحري يبقي الكارديو هيحرق اللي باكله ومخازن الدهون هتفضل ببركتها كده

2-بيسرع عملية الشهيق والزفير ، وبالتالي الرئة بتوسع علشان تستوعب اكبر كم من الأوكسجين، يعني كده الجسم هيدخله كمية كبييرة منه ، واللي طبعا عنصر مهم جدا في عملية الاكسدة ، وبيساعد في عملية الحرق 

3-هيخليك تتنفس اكتر ، يعني هتخرج تاني اوكسيد الكربون اكتر ، يعني هيخرج محمل باكبر كم من الدهون 

4-هيزود ضربات القلب ، وبالتالي القلب هيضخ كمية اكبر من الدم للاعضاء ، يعني كل عضو في جسمك هيشتغل بكفاءة اعلي 

5-بيقوي عضلة القلب جدا ، وده لان بيخلية يشتغل بكفاءة اعلي وبالتالي بيكتسب صلابة اكبرر، عضلة القلب زي اي عضلة كل ما تتمرن اكتر تكتسب قوة وصلابة اكتر

6-بينشط الدورة الدموية بشكل كبيير ، بسبب ضخ الدم بصورة منتظمه ، وبالتالي صحه لجسمك عموما ولبشرتك بشكل خاص

7-بيساعد جدااا في حرق دهون عضلة القلب ، اوقات بيبقي فيه ناس عندهم دهون علي العضلة نفسها ، الكارديو بقي بما انه بيشغل العضلة بكفائه عاليه ، فهو بينسف الدهون دي تماما

8-بيحمي من الجلطات وامراض الشرايين ، وده لان كفاءة ضح الدم بتبقي عالية وبالتالي خلايا الدم بتتجدد باستمرار ، وبيمنع تكوين الكوليسترول الضار علي جدران الشرايين ، يعني مافيش امراض شرايين 

-افضل وقت للكارديو 

-الموضوع اللي حير ناس كتبير اتمرن كارديو امتي قبل الحديد ولا بعد الحديد ؟

-لو اتمرنت كارديو قبل تمرين الاوزان في الحالة دي اللي هيحصل ، انك هتحرق الكربوهيدرات، االي جسمك محتاجها بشكل كبيير في تمرينه الحديد ، لانك لو داخل التمرينه بمخزون اقل من احتياج التمرين في الوقت ده التمرين هيستنزف مخزون العضلة 

-ولو اتمرنت كارديو بعد الحديد ، لازم يبقي بسيط اوووي ، وما تكونش عامل مجهود كبيير في تمرين الاوزان ، علشان برضو ما نرجعش لنفس الفكرة وهي اني بدل ما ابني العضله اهدمها 

-لكن الافضل بقي هي اني افصل تمرين الكارديو عن تمرين الحديد واقسم جدولي ، بحيث اني اشتغل علي حرق الدهون وبناء العضلات في نفس الوقت ، من غير اي عملية فيهم ما تاثر علي التانيه 

-طيب احنا ليه فضلنا الفصل بينهم ....علشان زي ما قولت ان الكارديو بيحرق دهون وعلشان يحرق دهون يبقي لازم الجسم يبقي فيه اوكسجين وكربوهيدرات ، طيب لو حرقت مخزن الكارب في تمرينه الكارديو كده هدخل تمرين الاوزان احرق عضل ، وده لان تمرين الاوزان بيحرق بشكل اساسي من الكربوهيدرات 

-افضل مدة للكارديو 

-اولا جسمك علشان يبدء في الحرق لازم تفضل في حركة متواصلة لمدة 3 دقايق ، يعني بلاش تقطع التمرينه

-الجسم محتاج 3 دقايق علشان يبدء في الحرق ، لكن علشان يكون حرق بالفعل مش اقل من 20 دقيقه بشكل متواصل افضل ، يعني كده اقل مدة تعملها وجسمك يكون حرق فعلا هي 20 قيقه ، وممكن تزودها حسب رغبتك بس ده لو هيكون في يوم لوحدة زي ما قولنا

-لكن لو مع تمرينه الاوزان ، لو عملت ال20 دقيقه دول هتكون استهلكت كمية كبيرة من الكربوهيدرات، يبقي الافضل انه يكون من 5 ال10 دقايق تسخن بيهم جسمك بس وتدخل تمرينك 

-ايهما افضل الكارديو ولا الحديد 

-قبل ما ادخل في تفاصيل ، خلينا نعرف كل تمرين منهم بيشتغل ازاي في الجسم 

-الكارديو .....زي ما قولنا هي التمارين اللي بتشتغل علي ضربات القلب وسرعة التنفس ، والعمليتين دول ، يعتبرو مجهود بدني كبيير علشان يتم بيستهلكو كم كبيير من السعرات

-يعني تقدر تقول ان الكارديو كل مهمته ان يحرق سعرات علشان يمد الجسم بالطاقة الازمة للعمليتين اللي هما اساس الكارديو 

-الكارديو بينزل وزن بس ، ولو انتا مش مظبط نظامك الغذائي ، وقتها الوزن اللي هينزل ده هيبقي دهون وعضل مع بعض 

-الحديد ....ده بقي تمرين انتا بتدخل فيه تهدم وتكسر كل العضلات الضعيفه علشان ترجع تبنيها تاني بشكل اصح واقوي من خلال عملية الاستشفاء اللي بتم بعد التمرين 

-عملية الاستشفاء من العمليات اللي جسمك علشان يقوم بيها ويعيد بناء الانسجه بشكل اقووي ، بيستهلك كم كبيير من السعرات الحرارية، يعني بكدة انتا في وقت البناء العضلي انتا بتحرق سعرات برضو زي الكارديو واحسن كمان 

-اجابة سؤال ايهما افضل 

-بكل المقاييس ولو هتبصلها كويس هتلاقي ان الحديد طبعا افضل بكتتتير 

-الحديد افضل ، لانك منه بتقدر تحرق سعرات وتكون كتلة عضلية ، وتعلي لياقتك البدنية ، وتدي لجسمك قدر كبيير من الصلابة وقوة التحمل 
-غير ان كتيير من الدراسات والبحوث العلمية اللي اتعملت علي الموضوع ده قدرت تثبت افضلية الحديد عن الكارديو ، بان الحديد بيعلي الحرق بشكل تلقائي لمدة 36 ساعة بعد التمرين ، يعني انتا بكدة بتحرق اثناء التمرين ، وبتحفز حرقك للمدة دي بعد التمرين ، يا بلاش والله 

-طيب ازاي استفيد من كل تمرين 

-احنا كده اتفقنا ان الحديد مزاياه كتييرة جدا بالمقارنه مع الكارديو بس فيه حالات معينه ممكن تحكم ممارستك لكل تمرين زي 

-الاوزان الكبيرة واللي بتعدي ال100 .....بتبدء الاول بالكارديو لحد ما تكسر حاجز ال90 وبعدها تدخل الحديد مع الكارديو في جدولها 

-الناس اللي نسبه الدهون عندهم مش كبييرة بس عاوزين كتلة عضلية ....الكارديو هيبقي اقل والتركيز هيبقي علي الحديد 

-طيب الناس اللي تحت ال80 نسبه دهون عاليه وعضلات ضعيفه ..... هتتمرن الاتنين بس بفضل الكارديو عن ايام الحديد ، وفي ايام الحديد اسخن بيه 10 دقايق بس وادخل تمريني 

-اما بقي الناس اللي بعد كل ده لسه خايفه من الحديد ، وعاوزة تخس وخلاص ...دول كل تمارينهم هيبقي كارديو ، بس ما يتنظروش شكل جمالي للجسم ولا مناطق انوثه ولا صدر مرفوع